女韓職：慶州女足受讓有機可城_東方日報

女子韓職周一上演前列大戰，由首爾城女足主場對慶州FC女足。兩隊目前同樣有36分，排喺聯賽榜第3同第4位，實力可以話旗鼓相當。不過慶州FC女足今季作客好醒神，而且近年造訪首爾都成績唔錯，今場受讓平半，可放心捧下盤。（周一晚上6時開賽）文:工廠仔

首爾城主場勝率不高
首爾城女足今季防守未算硬淨，經常出現無謂失分，10次主場就有一半係和波，亦係佢哋未能緊逼榜首華川FC女足最大原因。首爾城女足上輪主場對包尾魚腩昌寧FC女足都係僅勝1比0，球隊狀態絕對唔算好，今次對住實力接近嘅慶州FC女足，主場出擊亦未能盡信。

慶州FC女足雖然上輪主場輸波，但要留意佢哋作客表現醒神，對上5次作客贏咗4場，而且球隊對上10次作客首爾城女足，錄得7勝3和不敗，有格食格味道，今場一於捧下盤。