沙職聯：弗爆C朗領軍搶胡艾納斯半大有計_東方日報

沙特職首輪賽事，星級球隊艾納斯作客實力唔差嘅艾塔亞文。早前喺沙超盃飲恨嘅艾納斯，季前備戰非常積極，除招攬祖奧菲歷斯、京士利高文等星級球員外，亦喺葡萄牙、西班牙等地進行集訓，新球季第1擊必火力全開，1.5球半場大捧得過。

（周六凌晨2時開賽）文:工廠仔

艾納斯王牌C朗拿度狀態依然勇猛，季前熱身賽已經入波頻頻，佢同沙迪奧文尼、祖奧菲歷斯、京士利高文組成嘅進攻組合，無論牌面定實力都冠絕全沙特，由熱身賽開始已經展現出強大火力，經常喺早段狂攻猛炸，近6場比賽半場總入球全開2球或以上。

艾塔亞文無懼駁火
另邊廂，艾塔亞文雖然財力不如幾支富豪球會，但上季仍能取得第8名成績，表現穩打穩紥，具備一定戰鬥力，尤其喺主場出擊會盡力爭勝，藉地利喺早段同艾納斯駁火，半場大1.5球值博。