英超：盧卡古啞火拿玻里獻細_東方日報

今晚意甲好波連場，前列球隊分途出擊，第2位拿玻里主場迎戰費倫天拿。拿玻里狀態下滑，已連續5場聯賽不勝，射手盧卡古腳頭無靈，要攻入費倫天拿防線並非易事。費倫天拿近3場聯賽僅入1球，同樣欠缺取勝把握，考慮到拿玻里近7場主場有6次總入球開2球或以下，寧願博中位數2.5球嘅入球細。（HOY TV 76台周日晚10時直播）文:Mic少

拿玻里有唔少時間盤據榜首，但經過連場失分後，已被國際米蘭搶走一哥位置，更落後對方1分，為爭標不容再失。不過，拿玻里近期表現顯得有心無力，近5場聯賽只有4和1負，當中不敵弱隊科木。鋒線球員演出令人失望，會方冬季出售翼鋒基華拉斯基利亞後，後遺症開始浮現，盧卡古缺乏支援，已超過1個月冇波入，遇上踢法硬淨嘅費倫天拿，勢必舉步維艱。

費倫天拿上輪意甲以1比0擊敗萊切，結束聯賽3連敗，總算及時止血，考慮到拿玻里整體實力較強，相信「紫百合」會加強防守，就算輸都唔會大敗，拿玻里主W只有1.38倍冇肉食，1.77倍2.5球入球細比較值博。

追埋祖記阿特蘭大和波
另外，第4位祖雲達斯主場對第3位阿特蘭大，雖然「祖記」取得聯賽5連勝，但當中多數只係小勝，包括贏弱隊卡利亞里1比0，不宜高估。阿特蘭大近5場聯賽有3場和波，加上雙方近3次聯賽交手全部打和，不妨再博和波。（HOY TV 76台周一凌晨3時45分直播）